Mauaji ya Shule ya Al-Tabin ni Kushindwa kwa Jumuiya ya Kimataifa na ni Uhalifu Usiofaa Kusamehewa

Wizara ya Mambo ya Nje na Wapalestina waishio ughaibuni imesema kuwa mauaji katika Shule ya Al-Tabin ni matokeo ya kushindwa kwa jumuiya ya kimataifa na taasisi zake, ikiwemo Baraza la Usalama la Umoja wa Mataifa, kutimiza wajibu wao wa kuzuia mauaji ya kimbari dhidi ya watu wa Palestina. Hii pia inaonyesha kushindwa kwao mara kwa mara kutoa ulinzi wa kimataifa kwa watu wetu. Wizara imeeleza kuwa uvamizi wa Israel ni wa kinyama na lazima uwajibishwe na kuadhibiwa kwa uhalifu wake, pamoja na mataifa au vyombo vyovyote vilivyoshirikiana katika uhalifu huu.

Wizara inaonyesha kuwa kitendo cha kuipa Israel kinga dhidi ya adhabu, na kutoifanya iwajibike, kinaipa motisha kuendelea kufanya mauaji katika maeneo yaliyokaliwa ya Palestina. Tukio la hivi karibuni zaidi ni mauaji ya kutisha katika Shule ya Al-Tabin iliyoko katika kitongoji cha Daraj, Ukanda wa Gaza, ambako familia zilizolazimishwa kuhama zilikuwa zimepata hifadhi, na kusababisha zaidi ya mashahidi 100 na mamia ya majeruhi.

Wizara inaiomba jumuiya ya kimataifa na taasisi zake kuchukua hatua za haraka kusitisha mashambulizi dhidi ya watu wetu katika Ukanda wa Gaza, kwani hii ndiyo njia pekee ya kuwalinda raia. Pia inasisitiza umuhimu wa kuanzisha taratibu za uwajibikaji, ikiwemo kutolewa kwa hati za kukamatwa kwa wahalifu wa kivita wa Israel na Mahakama ya Kimataifa ya Uhalifu ili kuwadhibiti na kuzuia uhalifu zaidi. Aidha, inatoa wito wa kuitishwa kwa haraka kwa Baraza la Usalama la Umoja wa Mataifa ili kutekeleza maazimio yake na kuilazimisha Israel, mamlaka ya uvamizi, kufuata sheria za kimataifa na maazimio ya Umoja wa Mataifa.

Wizara imeelekeza mabalozi wake wote ulimwenguni kufichua uhalifu huu na kuwahimiza nchi zote kuchukua hatua zote muhimu kuadhibu utawala huu wa kihalifu na kulaani uhalifu huu na uhalifu mwingine unaoendelea katika maeneo yaliyokaliwa ya Palestina, yakiwemo Jerusalem.

#freepalestine #palestinetanzania