Ubalozi wa Palestina nchini Tanzania, unatoa salamu za pole kwa familia, ndugu, jamaa, wafiwa wote, pamoja na marafiki wa Marehemu Comrade Ali Ameir Mohd, aliyewahi kuwa Waziri wa Mambo ya Ndani ya Nchi na Naibu Katibu Mkuu wa CCM (Zanzibar), mstaafu.
Marehemu alikuwa kiongozi mashuhuri na mmoja wa waasisi wa Kamati ya Urafiki na Mshikamano wa Tanzania na Palestina (TPSC). Mchango wake mkubwa, kujitolea kwake bila kuchoka, na msimamo wake imara katika kutetea haki za wananchi wa Palestina vitakumbukwa daima. Daima alikuwa bega kwa bega na wananchi wa Palestina na alishiriki kikamilifu katika mikutano na majadiliano mbalimbali ya kuhamasisha na kutetea haki zao halali.
Serikali na wananchi wa Nchi ya Palestina wanaungana na familia pamoja na wananchi wa Tanzania kuomboleza msiba huu mkubwa. Urithi alioacha wa mshikamano, haki, na utu utaendelea kuwa mwanga wa kuongoza vizazi vya sasa na vijavyo.
Tunamuomba Mwenyezi Mungu ampe pumziko la milele na atengeneze kaburi lake kuwa bustani miongoni mwa Bustani za Peponi.
Ubalozi unatoa pole kwa wote walioguswa na msiba huu mzito.
.png)
.png)
0 Comments